சென்னை அரசியல் வட்டாரத்தில் பெரும் பரபரப்பை ஏற்படுத்தும் வகையில், முன்னாள் முதல்வர் ஓ.பன்னீர்செல்வம் திமுகவில் அதிகாரப்பூர்வமாக இணைந்தார். அதிமுகவில் இருந்து நீக்கப்பட்ட பிறகு மீண்டும் கட்சியில் சேர முயன்ற அவர், அனைத்து முயற்சிகளும் தோல்வியடைந்ததை உணர்ந்து அடுத்த கட்ட அரசியல் முடிவை எடுத்துள்ளார்.
சில வாரங்களில் தமிழக சட்டசபை தேர்தல் அறிவிக்கப்பட உள்ள சூழலில், அரசியல் கூட்டணிகளில் மாற்றங்கள் நிகழ்ந்து வருகின்றன. இந்நிலையில், ஓபிஎஸ் திமுகவில் சேருவார் என்ற தகவல்கள் வெளியாகி வந்தன. இதனை உறுதிப்படுத்தும் விதமாக, அவர் முதல்வர் M. K. Stalin அவர்களை சந்தித்து ஆலோசனை நடத்தினார்.
இன்று காலை அமைச்சர் சேகர்பாபுவை சந்தித்த ஓபிஎஸ், பின்னர் அண்ணா அறிவாலயத்திற்கு சென்று திமுக தலைவர் முன்னிலையில் உறுப்பினர் சேர்க்கை படிவத்தில் கையெழுத்திட்டார். அவருக்கு கட்சி நிர்வாகிகள் மற்றும் தொண்டர்கள் உற்சாக வரவேற்பு அளித்தனர்.
ஓபிஎஸ் உடன், மகனும் முன்னாள் எம்பியுமான ரவீந்திரநாத் மற்றும் ஆதரவாளர்களும் திமுகவில் இணைந்தனர். மூன்று முறை தமிழக முதல்வராக பதவி வகித்த அவர் திமுகவில் இணைந்திருப்பது, மாநில அரசியல் சமநிலைகளில் புதிய மாற்றங்களை உருவாக்கும் என அரசியல் நிபுணர்கள் கருதுகின்றனர்.
வரவிருக்கும் சட்டசபை தேர்தலில் திமுக சார்பில் தேனி தொகுதியில் போட்டியிட அவர் முயற்சி எடுக்கலாம் என்ற தகவலும் வெளியாகியுள்ளது.
கருத்துகள்
இன்னும் கருத்துகள் இல்லை. முதலில் கருத்து சொல்லுங்கள்!
கருத்து சொல்லுங்கள்