தமிழக சிலைகள் உட்பட 615 அரிய தொல்பொருட்கள் மீட்பு; மத்திய அரசின் நடவடிக்கை

புதுடெல்லி: இந்தியாவில் இருந்து கடந்த பல தசாப்தங்களாக வெளிநாடுகளுக்கு கடத்தப்பட்ட அரிய தொல்பொருட்கள் மற்றும் கலைப்பொருட்களை மீட்கும் நடவடிக்கையில் மத்திய அரசு குறிப்பிடத்தக்க முன்னேற்றம் கண்டுள்ளது. இதுவரை மொத்தம் 615 தொல்பொருட்கள் மீட்கப்பட்டுள்ளதாக அதிகாரப்பூர்வ தகவல் வெளியாகியுள்ளது. 1980 முதல் 2000-ம் ஆண்டு வரையிலான காலகட்டத்தில் இந்தியாவின் பல பகுதிகளில் இருந்து, குறிப்பாக தமிழகத்தைச் சேர்ந்த சோழர் கால வெண்கல சிலைகள், கல் சிற்பங்கள் மற்றும் வரலாற்று முக்கியத்துவம் வாய்ந்த கலைப்பொருட்கள் வெளிநாடுகளுக்கு கடத்தப்பட்டதாக கூறப்படுகிறது. இந்தியாவின் கலாச்சார பாரம்பரியத்தை பாதுகாக்கும் நோக்கில், மத்திய அரசு பல்வேறு நாடுகளுடன் இணைந்து ராஜதந்திர மற்றும் சட்டரீதியான முயற்சிகளை மேற்கொண்டு வருகிறது. அதன் மூலம் ஆஸ்திரேலியா, பிரிட்டன், அமெரிக்கா, இத்தாலி மற்றும் தாய்லாந்து உள்ளிட்ட நாடுகளில் இருந்த பல அரிய தொல்பொருட்கள் மீட்கப்பட்டுள்ளன. மீட்கப்பட்ட தொல்பொருட்களின் ஆண்டு வாரியான விவரம்: 2021 – 159 2022 – 30 2023 – 115 2024 – 298 2026 (இதுவரை) – 13 இதன் மூலம் கடந்த சில ஆண்டுகளில் மட்டும் 615 தொல்பொருட்கள் இந்தியாவுக்கு மீட்கப்பட்டுள்ளன. இந்த நடவடிக்கை நாட்டின் வரலாற்று மற்றும் பண்பாட்டு பாரம்பரியத்தை மீட்டெடுக்கும் முக்கிய முயற்சியாக கருதப்படுகிறது.