வினாத்தாள் கசிவு விவகாரம்: பிரதமர் மோடி நடவடிக்கை எடுப்பார் என சல்மான் கான் நம்பிக்கை

வினாத்தாள் கசிவு தொடர்பான விவகாரத்தில் குற்றவாளிகள் மீது மத்திய அரசு கடுமையான நடவடிக்கை எடுக்கும் என்று பாலிவுட் நடிகர் சல்மான் கான் நம்பிக்கை தெரிவித்துள்ளார். சமூக வலைதளத்தில் வெளியிட்ட பதிவில், மாணவர்களின் கல்வி மற்றும் எதிர்கால நலன் மிகவும் முக்கியமானது என்றும், மாணவர்கள் தேவையற்ற பதற்றத்தில் இருக்க வேண்டாம் என்றும் அவர் கேட்டுக்கொண்டார். மேலும், வினாத்தாள் கசிவு சம்பவத்தில் தொடர்புடையவர்கள் மீது பிரதமர் நரேந்திர மோடி உரிய நடவடிக்கை எடுப்பார் என்ற நம்பிக்கையை வெளிப்படுத்தியுள்ளார். மாணவர்கள் தங்களது குடும்பத்தினருடன் பாதுகாப்பாக இருக்க வேண்டும் என்றும் அவர் அறிவுறுத்தினார். அதேபோல், சமூக ஆர்வலர் சோனம் வாங்சுக்கிடம் உண்ணாவிரதத்தை கைவிடுமாறும், உடல்நலனை கவனிக்குமாறும் சல்மான் கான் வேண்டுகோள் விடுத்துள்ளார். இந்த பதிவு சமூக வலைதளங்களில் பரவலாக கவனம் பெற்றுள்ளது.