100 நாளில் 904 ரெய்டுகள்; 322 உணவு நிறுவனங்கள் மூடல் – துக்காராம் முண்டேவின் அதிரடி நடவடிக்கை

செய்யப்பட்டதாக தெரிவிக்கப்பட்டுள்ளது. போலி பனீர், கலப்பட பால், சுகாதாரமற்ற சமையல் எண்ணெய் மற்றும் ஆபத்தான செயற்கை நிறமிகள் உள்ளிட்ட பல்வேறு பொருட்கள் இதில் அடங்கும். உணவுப் பாதுகாப்பு விதிகளை மீறிய 322 உணவு நிறுவனங்கள் சீல் வைக்கப்பட்டு மூடப்பட்டுள்ளன. மேலும், விதிமீறல்களில் ஈடுபட்டதாக 457 பேர் கைது செய்யப்பட்டுள்ளனர். பாகுபாடின்றி நடவடிக்கை உணவு பாதுகாப்பு ஆய்வுகளின்போது சிறிய நிறுவனங்கள் மட்டுமின்றி பிரபலமான உணவு நிறுவனங்களிலும் சோதனைகள் மேற்கொள்ளப்பட்டதாக கூறப்படுகிறது. உணவகங்கள் மட்டுமின்றி அரசு அலுவலகங்கள், நீதிமன்ற வளாகங்கள் உள்ளிட்ட பல்வேறு இடங்களிலும் விதிமீறல்கள் தொடர்பாக ஆய்வுகள் நடத்தப்பட்டுள்ளன. மக்களுக்கு சுவையான உணவு வழங்கப்படுவது மட்டுமின்றி, அது சுகாதாரமானதாகவும் ஊட்டச்சத்து நிறைந்ததாகவும் இருப்பதை உறுதி செய்வதே நடவடிக்கைகளின் முக்கிய நோக்கமாக உள்ளது. அன்னதானத்திலும் கூடுதல் கவனம் முக்கிய விழாக்கள் மற்றும் கொண்டாட்டங்களின்போது வழங்கப்படும் அன்னதான உணவின் தரத்தையும் உறுதி செய்யும் வகையில் பல்வேறு புதிய வழிகாட்டுதல்கள் மற்றும் உத்தரவுகள் பிறப்பிக்கப்பட்டுள்ளதாக கூறப்படுகிறது. தரமற்ற உணவு பொதுமக்களுக்கு வழங்கப்படுவதைத் தடுப்பதற்காக உணவுப் பாதுகாப்புத் துறை அதிகாரிகள் கண்காணிப்பை தீவிரப்படுத்தியுள்ளனர். பணியிட மாற்றங்களுக்கு மத்தியிலும் நேர்மை ஐஏஎஸ் அதிகாரியாக 21 ஆண்டுகள் பணியாற்றி வரும் துக்காராம் முண்டே, இதுவரை பல முறை பணியிட மாற்றங்களை சந்தித்துள்ளதாக குறிப்பிடப்படுகிறது. அரசியல் மற்றும் நிர்வாக அழுத்தங்கள் இருந்தபோதிலும், தனது பணியில் சமரசம் செய்யாமல் செயல்படுவதாக அவருக்கு பாராட்டுகள் கிடைத்து வருகின்றன. உணவு கலப்படம் மற்றும் சுகாதார விதிமீறல்களுக்கு எதிராக கடுமையான நடவடிக்கைகள் தொடர வேண்டும் என்பதே பொதுமக்களின் எதிர்பார்ப்பாக உள்ளது. தமிழகத்திலும் உணவுக் கலப்படம் மற்றும் சுகாதார விதிமீறல்களுக்கு எதிராக இதுபோன்ற தீவிரமான, பாரபட்சமற்ற நடவடிக்கைகள் மேற்கொள்ளப்பட வேண்டும் என்ற கோரிக்கைகள் எழுந்துள்ளன.