இந்திய டென்னிஸ் ஜோடி அரையிறுதிக்கு முன்னேற்றம்

மெக்சிகோவில் நடைபெற்று வரும் ஆண்கள் சாலஞ்சர் கோப்பை டென்னிஸ் தொடரில் இந்திய வீரர்கள் அர்ஜுன் மற்றும் ரித்விக் இணை சிறப்பான ஆட்டத்தை வெளிப்படுத்தி அரையிறுதிக்கு முன்னேறியுள்ளது. இரட்டையர் பிரிவு காலிறுதி போட்டியில், இந்த இந்திய ஜோடி ஜெர்மனியின் முதல் நிலை வீரர்களான மார்க் வால்னர் மற்றும் ஜாகோப் ஜோடியை எதிர்கொண்டது. போட்டியின் தொடக்கத்திலிருந்தே தன்னம்பிக்கையுடன் விளையாடிய இந்திய ஜோடி, முதல் செட்டை 7-5 என கைப்பற்றியது. தொடர்ந்து இரண்டாவது செட்டிலும் அதே ஆற்றலை வெளிப்படுத்தி 6-4 என்ற கணக்கில் வெற்றி பெற்றது. சுமார் 1 மணி 15 நிமிடங்கள் நடைபெற்ற இந்தப் போட்டியில், இந்திய ஜோடி நேரடி செட்டில் வெற்றி பெற்று அரையிறுதிக்குத் தகுதி பெற்றது. அரையிறுதியில், அர்ஜென்டினாவின் பகண்டோ மற்றும் மெக்சிகோவின் ரோட்ரிகோ ஜோடியை இந்திய ஜோடி எதிர்கொள்ள உள்ளது.